صفحة 1 من 4 123 ... الأخيرةالأخيرة
النتائج 1 إلى 10 من 39

الموضوع: ماذا نأكل اليوم ؟نتمنى الكل يشارك

  1. #1
    ..:: مشرفة سوبر ::. الصورة الرمزية بنت البطل
    تاريخ التسجيل
    Mar 2009
    الدولة
    قلب يسوع
    المشاركات
    9,508
    معدل تقييم المستوى
    154

    افتراضي ماذا نأكل اليوم ؟نتمنى الكل يشارك


    يلا تعالوا شوفوا هانضبخ ايه النهارده


    بمناسبة الصيام هانقدم لكم كل يوم أكلة جديدة صيامى متكاملة من سلطات وشوربات وكمان أكلات رئيسية متنوعة وأشهى الحلوى الصيامى يارب تعجبكم
    واتمنى من الجميع ان يشارك فى هذا الموضوع

    بأسم يسوع نبدأ



    باذنجان و فلفل مقلي بالخل و الثوم

    المقادير:
    نص كيلو بزنجان اسود مكبب – نص كيلو فلفل رومى – راس ثوم مهروسة – ربع كوب
    خل- 2قرن فلفل حامى -4طماطم مقطعة متوسط - ملح – فلفل – كمون زيت للقلى


    الطريقة
    قشرى البذنجان ثم قطعية شرايح متوسطه ثم نضعه فى مصفاه ونرش عليه ملح ويترك)علشان ما يشربش زيت كتير ( وبعدين نقلية فى الزيت لحد ما يبقى بنى فاتح .ونشيله فى المصفاة علشان ينزل كل الزيت الزيادةنقلي الفلفل الاخضر فى نفس الزيت مكان البزنجان لحد ما يتقلى ونشيله من الزيت ويوضع في مصفاه في مقلاية تانية نضع قليل جدا من الزيت اللى حمرنا فية البزنجان والفلفل ونحمر فيها الثوم لحد ما يصفر. وبعدين ضعي الفلفل الحامى المخرط صغير والخل ثم ضعى الطماطم عليهم والملح والفلفل و الكمون وقلبى وسيبيهم لحد ما الطماطم تدبل ضعى البذنجان والفلفل في طبق غويط على طبقات يعنى نحط بذنجان وبعدين فلفل وهكذا .ثم صبي عليهم خليط الثوم والطماطم ونغزيهم بالشوكة علشان الخليط ينزل جواهم والطبق يتشرب من الصلصةو يتاكل ساخن او بارد

    الفاصوليا الخضراء بصلصة طماطم


    المقادير ::

    كوب من الفاصوليا الخضراء
    2 حبات طماطم
    ملعقة كبيرة صلصة طماطم
    1 حبة بصل
    2 فص ثوم
    4 ملاعق زيت زيتون
    نصف ملعقة صغيرة كمون
    نصف ملعقة صغيرة كزبرة ناشفة
    ملح
    فلفل أسود


    الطريقه

    تغسل الفاصوليا الخضراء و تقطع
    يفرم البصل و الطماطم و يطحن الثوم
    يحمر البصل و يضاف إليه الثوم و الطماطم
    تضاف الفاصوليا و الملح و الفلفل الأسود و الكزبرة الناشفة و الكمون و يترك على نار هادئة حتى تنضج الفاصوليا ثم يقدم



    الارز المصري بالشعرية


    المقادير---
    1 كوب ارز مصري قصير الحبة
    سمن
    2كوب ماء
    شعرية
    ملح


    طريقة الاعداد ---
    ضعي ملعقة السمن في وعاء الطهي حتى تسيح ثم ضعي الشعرية وقلبيهاحتى تكتسب اللون الذهبي المحمر ثم ضعي كوبان الماء وملح حسب الرغبة وانا استخدم ملعقة شاي صغيرة من الملح ويغطى الوعاء حتى تغلى الماء ثم يضاف الارز بعد غسله بالماء البارد وهناك انواع من الارز قد سبق غسلها فلا داعي لغسله مرة اخرى
    ثم يوضع على انار هادئة جدا وبعد حوالي ثلث ساعة يكون شرب الماء وقد تم النضج وبالهنا والشفا


    ملحوظة هامة --- لاتكثري من كمية الشعرية المستخدمة مع الارز وان زادت فلا بد من زيادة الماء نصف كوب زيادة والا ستجدي ان الارز لم يكتمل نضجه


    والحلو
    طبق سلطه من فاكهه الموسم

    مع تحياتى وبالهنا والعافيه


  2. #2
    مشرفة القسم الثقافية و الاجتماعية والمنوعة
    تاريخ التسجيل
    Mar 2009
    المشاركات
    2,331
    معدل تقييم المستوى
    42

    افتراضي

    ايه الجمال ده كله

    يا بنت البطل

    وصفات رااااااااااااااااااااائعه جدااااا

    ميرسى يا قمر

  3. #3
    ..:: مشرفة سوبر ::. الصورة الرمزية بنت البطل
    تاريخ التسجيل
    Mar 2009
    الدولة
    قلب يسوع
    المشاركات
    9,508
    معدل تقييم المستوى
    154

    افتراضي

    شكرا لك يا كاندى
    على المرور الكريم
    فين الشطاره يلا شاركِ بما عندك
    ربنا يبارك حياتك

    :c005:


  4. #4
    ..:: مشرفة سوبر ::. الصورة الرمزية بنت البطل
    تاريخ التسجيل
    Mar 2009
    الدولة
    قلب يسوع
    المشاركات
    9,508
    معدل تقييم المستوى
    154

    افتراضي


    يلا تعالوا شوفوا هانضبخ ايه النهارده

    بأسم يسوع نبدأ

    سلطةالخس والجزروالزيتون



    المقادير:

    2 كوب خس مقطع

    كوب جزر مبروش خشن

    كوب خيار مبروش خشن

    1\4 ك نعناع مفروم ناعم

    1\2 كوب زيتون أسود شرائح


    التتبيلة:


    3 ملعقه كبيره زيت زيتون ، 4 ملعقه كبيره عصير ليمون ، ، ملح ، ملعقه نعناع ناشف

    الطريقة:

    اخلطي المقادير ثم اخلطي مقادير التتبيلة ثم صبيها عليها


    كبيبة صيامي

    المقادير:

    2/1 كجم برغل

    2/1 كجم بطاطس مسلوقه

    كمون - ملح


    للحشو:

    3حبات طماطم- 3بصلات متوسطة- 3حبات فلفل رومي-250 جم مشروم-ملح وفلفل.


    الطريقة:

    1- انقعي البرغل مدة لا تقل عن اربع ساعات.
    2- قشري البطاطس المسلوقة واهرسيها جيدا ثم اعجنيها مع البرغل واضيفي لها قليل من الملح والكمون.

    3- تحضير الحشو:
    قطعى الطماطم والبصل والمشروم والفلفل الرومي الى قطع صغيرة وارفعيهم على النار وضيفي الملح والفلفل وقلبي الى ان تتبخر الماء.
    4- شكلي العجينة الى كور صغيرة في حجم البيضة(مع الاحتفاظ بيدك مبللة حتى لا تلتصق العجينة بيدك) وبالابهام فرغي مكان للحشو واحشيها ثم اغلقيها ودببيها من الطرفين.

    وحسب الرغبة ممكن تقليها بعد وضعها في بقسماط او فيجيتار اوبدون.


    الحلو

    بسيمة صيامي


    المقادير

    1كوب جوز هند مبشور

    نصف كوب ماء

    كوب دقيق

    نصف كوب زبيب

    كوب سكر

    معلقة كبيرة بيكنج بودر


    الطريقة

    1- يخلط الدقيق بالجوز هند والسكر والبكنج بودر والماء

    2-تصب في صنية مدهونة بالزيت

    3-تخبز في فرن متوسط الحرارة

    4-تقطع مربعات وتقدم


    مع تحياتى وبالهنا والعافيه


  5. #5
    ..:: مشرفة سوبر ::. الصورة الرمزية بنت البطل
    تاريخ التسجيل
    Mar 2009
    الدولة
    قلب يسوع
    المشاركات
    9,508
    معدل تقييم المستوى
    154

    افتراضي رد: ماذا نأكل اليوم ؟؟؟؟؟

    يلا يا بنات المنتدى
    عايزين نشوف الشطاره فى الاكلات الصيامى


  6. #6
    مشرفة منتدى الطفل ومنتدى المرأة والرجل الصورة الرمزية جوجو بنت الملك
    تاريخ التسجيل
    Dec 2009
    المشاركات
    5,007
    معدل تقييم المستوى
    96

    افتراضي رد: ماذا نأكل اليوم ؟؟؟؟؟

    هابتدى معاكى منيو بكرة انشاء ربنا ويارب يعجبكم
    الطبق الرئيسى
    مكرونة فرن بالخضار والبشاميل


    المقادير
    كيلو الا ربع مكرونة قلم
    ربع كيلو زبدة نيبون نباتى أو زيت ذرة او سمن نباتى
    ربع كيلو دقيق ابيض
    مرقة خضروات صيامى
    كوب لبن صيامى (يوجد فى السوبر ماركت)او كريمر
    وحدتين من الطماطم مبشورة
    كيس بسلة جاهزة بالجزر
    طبق مشروم طازج مقطع شرائح
    بصل مبشور
    ملح وفلفل
    ملعقة من معجون الصلصة الجاهزة
    جوزة الطيب مبشورة
    الطريقة

    تسلق المكرونة فى ماء مغلى لمدة عشرة دقائق وتصفى وتشطف بالماء
    عمل الباشميل
    يضاف الزيت أو الزبدة النباتى فى وعاء على النار
    ويضاف عليها الدقيق وتقلب بمضرب سلك او ملعقة خشب حتى تصير عجينة متماسكة
    يضاف اللبن ساخن وتقلب
    يضاف ماء ساخن إذا احتاج الامر حتى نصل الى قوام كريمى للباشميل
    يضاف مكعب مرقة خضروات
    يضاف ملعقة صغيرة ملح وقليل من الفلفل الابيض أو الاسمر
    يضاف قليل من جوزة الطيب المبشورة حسب الرغبة

    عمل الخضار للحشو

    يحمر البصل المبشور فى الزيت أو الزبدة النباتى
    ويضاف الطماطم المبشورة
    ثم يضاف البسلة بالجزر والمشروم ويتم نضجها لمدة عشر دقائق

    بعد الانتهاء من عمل الباشميل وحشو الخضروات نقوم بالاتى:
    وضع نصف كمية الباشميل على المكرونة وملعقة معجون صلصة جاهزة مع التقليب الجيد
    اضافة ملعقة كبيرة من الباشميل فى قاع الصينية
    وضع نصف كمية المكرونة بالباشميل فى الصينية
    اضافة الخضروات المعدة للحشو سابقاً
    وضع الكمية المتبقية من المكرونة فوق الحشو
    دهان وجهة الصينية بملعقة زيت او زبدة نيبون سايحة
    يتم دخول الصينية الفرن ووضعها فى منتصف الفرن على الشبكة للنضج
    مدة الطهى نار متوسطة 45 ق
    وتقدم ساخنة مع سلطة الخضروات الطازجة
    وبالهناء والشفاء

    عن تجربه هايله صدقونى وماتشغلوش نفسيكم باللبن الصيامى انا جربتها كدة وجربتها حتى بالميه مضاف ليها مرقه الخضار
    او الكريمر متقلقوش جربوا

    الطبق الجانبى
    سلطة بابا غنوج
    المقادير
    1 باذنجانه كبيرة
    ليمونة
    نعناع جاف (ربع معلقه صغيرة)
    2 ملعقه كبيرة طحينه
    2 فلفل رومى
    2 فص توم مهروس
    ملح وفلفل ورشة كمون بسيطة
    زيت زيتون او درة بس مش كتير
    الطريقه
    نشوى البتنجان ولما يتشوى كويس نقشرة ونحطة فالكهراسة او الكبه او بالشوكة حتى مع كل المكونات
    ونجمله برشة من الزيت وورقه نعناعه خضرا
    ودى طريقتى انا اى اضافات براحتكم


    يتبع

  7. #7
    مشرفة منتدى الطفل ومنتدى المرأة والرجل الصورة الرمزية جوجو بنت الملك
    تاريخ التسجيل
    Dec 2009
    المشاركات
    5,007
    معدل تقييم المستوى
    96

    افتراضي رد: ماذا نأكل اليوم ؟؟؟؟؟

    الحلو بقه
    طريقتى البسيطة للجلاش
    المقادير
    لفه جلاش
    سودانى مجروش بالسكر حسب الكميه اللى انتى عايزاها وممكن تضيفى لو بتحبى القرفه ربع معلقه صغيرة
    سمن نباتى
    الطريقه
    هانقطع الجلاش شرايط طويله الورقه على 3 شرايط طوليه
    باحط معلقه من السودانى والسكر على طرفها وبلفها صوابع
    وارصها فى صينيه مدهونة بالسمن
    وبرضة على الوش
    بدهنا سمنه بالفرشة
    بندخلها فالفرن يكون دافى من فوق طبعا لحد ماوشها يحمر
    نكون مجهزين الشربات ويكون بارد طبعا ونسقيها بيه
    وبألف هنا وشفا

    يتبع
    التعديل الأخير تم بواسطة جوجو بنت الملك ; 08-02-2010 الساعة 04:56 PM

  8. #8
    مشرفة منتدى الطفل ومنتدى المرأة والرجل الصورة الرمزية جوجو بنت الملك
    تاريخ التسجيل
    Dec 2009
    المشاركات
    5,007
    معدل تقييم المستوى
    96

    افتراضي رد: ماذا نأكل اليوم ؟؟؟؟؟

    العشا بجد روعه هايعجبكم طريقتى اللى بحبها فالفوكاشا وهو العيش الايطالى بيتاكل سادة او بالجبن الصيامى او بالزيتون او مع شاى حتى مش هاتندموا بجد وهاتقولولى طريقه حلوة ياجوجو
    ايه رأيكوا تجربوه هايعجبكوا
    المقادير
    3 كوب دقيق
    رشة ملح
    ملعقة ونص كبيرة خميرة او قطعة بحجم عين الجمل خميرة بيرة
    2 ملعقة كبيرة زيت زيتون
    ملعقة سكر
    1و 1\2 كوب ماء دافئ للعجن اقل اوا زيد حسب العجينة
    لرش الوجة زيت زيتون - رشة ملح - زعتر مجفف ناعم - روز مارى حسب الرغبة
    الطريقة
    نعجن المقادير مع بعضها مع ملاحظة احلال الخميرة لو خميرة بيرة
    هاتكون عجينة ناعمة وملساء هانسيبها تخمر
    وندهن صينية ونضع العجينة فيها ونضغط عليها برؤس اصابعنا
    عشان هاندهنا زيت زيتون ع الوجة لحد ما يملا الفراغات
    ونرشها بالملح والزعتر
    وفالفرن لحد ما تستوى
    بجد سهلة وهاتعجبكوا

    دة سادة ودة بالحشو

    خلص المنيو بتاع بكرة يارب يعجبكم

  9. #9
    ..:: مشرفة سوبر ::. الصورة الرمزية بنت البطل
    تاريخ التسجيل
    Mar 2009
    الدولة
    قلب يسوع
    المشاركات
    9,508
    معدل تقييم المستوى
    154

    افتراضي رد: ماذا نأكل اليوم ؟؟؟؟؟

    واوووووووووووووووووووووو
    الثلاث اكلات قمه فى الجمال
    شوفى يا حبيبتى الفوكاشا اوعدك انى اعمله فى القريب العاجل

    واكيد سأوافيكِ بالنتيجه
    شكرا حبيبتى جوجو ونريد المزيد


  10. #10
    مشرفة منتدى الطفل ومنتدى المرأة والرجل الصورة الرمزية جوجو بنت الملك
    تاريخ التسجيل
    Dec 2009
    المشاركات
    5,007
    معدل تقييم المستوى
    96

    افتراضي رد: ماذا نأكل اليوم ؟؟؟؟؟

    منيو بكرة نبتديه بأذن يسوع
    الطبق الرئيسى الكشك الصيامى

    الطريقة
    نغسل الفريك و ينقع لمدة ساعتين على الأقل
    ثم نضع ماء بالحلة التى سيتم طهو الكشك بها ونبشر البصلة الأولى ونضعها على الماء
    ونضع مكعبين ماجى خضروات ونضع الملح و الفلفل الأسمر و القليل من البهارات
    وعند غليان الماء نصفى الفريك من الماء الذى تم نقعه فيه ونضعه فى الماء المغلى وعند نضجه يجب أن نراعى أن يكون الفريك مغطى بالماء .
    ثم بعد ذلك نحضر كوب ماء ونذوب فيه الدقيق و الكريمر وتكون حركت اليد سريعه حتى لا يكلكع واذا كلكع نصفيه فى المصفاه وعند نضج الفريك نضع الخليط عليه مع الأستمرار مع تقليب الفريك على النار حتى يكون بسمك المهلبيه
    وبعد ذلك نبشر البصلة الثانية ونحمرها فى الزيت وبعد ذلك نضع البصلة المحمرة على الفريك ونترك القليل منها للتجميل (حسب الرغبة) وبعد ذلك نغرف الكشك فى الأطباق .
    وبالهنا والشفا



    الطبق الجانبى
    نزلته قبل كدة لكن هنزله تانى
    سلطة الفاصوليا الخضراء


    المقادير

    نصف كيلو فاصوليا خضراء طازجة
    بصلة متوسطة
    سكر
    خل
    ليمونتان
    ملح وفلفل اسود
    ملعقة زيت زيتون للدرسنج
    ملعقة زيت ذرة لطهى البصل
    فص ثوم مفروم

    التحضير

    يقشر البصل ويشطف ويقطع جوانح
    ويطهى فى طاسة على النار مع قليل من الزيت حتى يلين
    تغسل الفاصوليا وتقطع اطرافها ثم تقطع
    كل حبة الى ثلاثة اجزاء
    تسلق الفاصوليا فى ماء مغلى لحوالى 10 دقائق
    او حتى تنضج النضج المناسب
    ثم تنتشل من الماء المغلى وتغسل بماء مثلج
    وتضاف الفاصوليا مع البصل وتقلب لحين عمل الدرسنج

    الدرسنج
    ملعقة كبيرة خل
    عصير ليمونتان
    ملعقة اكل (سكر) او ملعقة كاتشب
    ملح وفلفل اسمر
    ملعقة زيت زيتون
    فص ثوم مفروم
    تخلط هذة المكونات فى وعاء لعمل الدرسنج
    ثم تضاف على سلطة الفاصوليا
    عند التقديم
    وبالهناء والشفاء

    يتبع



صفحة 1 من 4 123 ... الأخيرةالأخيرة

المواضيع المتشابهه

  1. لماذا نتمنى الموت عندما نحزن
    بواسطة كاندى في المنتدى منتدى الثقافه و المعلومات الاجتماعية
    مشاركات: 6
    آخر مشاركة: 11-02-2010, 07:16 PM
  2. لماذا عندما نحزن نتمنى الموت
    بواسطة كاندى في المنتدى منتدى الثقافه و المعلومات الاجتماعية
    مشاركات: 12
    آخر مشاركة: 11-02-2010, 03:35 PM
  3. نغمات جميله لام النور شفيعة الكل
    بواسطة MiNa*GSM في المنتدى قسم النغمات
    مشاركات: 2
    آخر مشاركة: 03-12-2009, 10:49 PM
  4. النهارده عيد ميلاد حبيب الكل
    بواسطة يوليانه في المنتدى منتدى التهاني و التعارف و الترحيب وأعياد الميلاد
    مشاركات: 5
    آخر مشاركة: 10-08-2009, 12:15 AM
  5. لعبه جديده وعوزه الكل يشارك ؟؟؟
    بواسطة يوليانه في المنتدى ألعاب ترفيهية
    مشاركات: 3
    آخر مشاركة: 27-03-2009, 12:37 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •